سبحان اللة ملائكة الارض وأحباب اللة
طبعا مش كل الأطفال بالجمال دة بس أكيد كلهم بالبرائة دى
حصل قدامى موقف فى عيادة د كتور أطفال خلانى أقول أستغفر اللة مائة مرة
كان موجود فى العيادة زوج وزوجة وطفلين الطفلين تعبانين جدا والأم مرهقة جدا
شكلها مانامتش كدة من شهر المهم هية شايلة الطفلين والزوج كان بقى بيعمل اية
بيسلخ فيها وعمال يقول لها أنتى السبب قلت لك بلاش خلفة واحد كفايا راحة تخليفى لى خمسة
:
لاتعليق على الجملة اللى قالها
المهم كمل وقال انا ملاحق دكاترة وللا مدارس وللا000000
والأم بتبكى ولما شافها بتبكى بقى قعد يدعى عليها وعلى العيال ويلعن ويسب وكل دة عادى بيحصل
كتير من ناس كتير طول اليوم وكل يوم المشكلة بقى انة مافيش حد من اللى قاعدين عارف يوقف
مدفع الرصاص اللى انطلق ومش راضى يخلص وكأن الأطفال دول نقمة وبلاء ووبال علية
وانة لما يقول كل اللى قالة هيحل المشكلة ولا جايز كان بيفتكر أن حد من اللى قاعدين هيحس بية
ويقولة أنا ممكن أشترى منك ولد أو أثنين بس بطل إطلاق الرصاص عليهم وعلى أمهم
مالاقاش حد بيقولة حاجة فبدأ يقول لية كدة يارب أنا عملتلك اية
أستغفر اللة العظيم
أخيرا نطق الجميع بهذة الجملة وقالو لة بلاش تقول كدة و00000
وبعدين دخل للدكتور أنا بقى قعد ت أستغفر وأقول كلام كتير بينى وبين نفسى للراجل دة
وفكرت فى حاجتين الأولى ياترى لو كان الشخص دة مؤمن باللة الرزاق الرحيم
كان لفظ بألفاظ الكفر والجحود بالنعم الكتير اللى ربنا أعطاها لة؟أكيد لا وأـكيد هو فى غفلة وبعد عن اللة
والحاجة التانية إنى عارفة كنز من كنوز اللة اللى دلنا علية اللة فى كتابة العزيز وغفل عنة الكثيرين وكنت منهم الى
أن أستوقفنى تفسير الاية الكريمة
وقلت إستغفرو ربكم غنة كان غفارا يرسل السماء عليكم مدرارا ويمددكم بأموال وبنين ويجعل لكم جنات
ويجعل لكم أنهارا
فواضح الأمر بالأستغفار وتلية اية توضح نتائج المداومة على الاستغفار واللى هية يرسل السماء عليكم مدرارا
فلم يقصد بها المطر فقط بل الرزق من الاولاد والمال فى الدنيا والجنة فى الاخرة كل ذلك بكلمة أستغفر اللة
وعرفت أن الايات دى مش تعداد لنعم اللة بل لنتائج الاستغفار فأكيد أنة كنز كبير ووقتها عرفت سبب رزق اللة لى
وأنا لاأعى انة المداومة علية وبعدها علمت بقصص كتير لناس داوموا على الاستغفار وقد فتح اللة لهم ابواب الخير والرزق الحلال
:رجعت تانى للزوجة التعيسة وقررت أن ادلها على مفتاح الكنز السهل الجميل دة بس ازاى اقرب لها والوحش دة معاها
فقلت للممرضة تأخذ رقمها او عنوانها وبالفعل أخذتة وتحدثت معها وأقتنعت وقلت لها علمية اولادك ودواموا علية
والامر بيد اللة وحدة ولكن علنا بالأخذ بالأسباب وبطاعة اللة 0لأكيد هتقولو لو كان دة الحل ماكنش حد غلب
بس بقول لكم واللة العظيم دة حل من الاف الحلول وجربو عمركم ماهتندموا وبتمنى ماحدش يظلم برائة الاطفال الجميلة ويتهمها بقطع الرزق أو قلتة
أعتذر على الأطالة
